Колумбияда автоцистерна портлаши оқибатида қурбон бўлганлар сони 41 кишига етди
Маҳаллий аҳоли қўлларига канистрлар ва бошқа турли идишлар олиб автоцистерна ёнида тўпланишганда портлаш содир бўлган.
"RCN" радиостанциясининг хабар беришича, олтинчи июлда Колумбиянинг шимолидаги Тасахера қишлоғидан кесиб ўтган «Сенага – Барранкиля» шоссеси ёқасида бензовоз ағдарилган.
Маҳаллий аҳоли қўлларига канистрлар ва бошқа турли идишлар олиб автоцистерна ёнида тўпланишганда портлаш содир бўлган. Дастлаб 38 киши қурбон бўлгани ҳақида айтилган эди.
Радиостанциянинг маълум қилишича, ҳукуматнинг сўнгги ҳисоботида ҳалок бўлганлар сони 41 кишига етгани келтирилган. Бундан ташқари, турли тиббиёт марказларида яна 31 киши оғир аҳволда ётибди.
Кўпчилигига терини қайта кўчириш керак, дейилади хабарда. Уларнинг орасида вояга етмаган ўсмир ҳам бор.
Магдалена департаменти губернатори Карлос Каиседонинг маълум қилишича, териси куйганларни даволаш учун жума куни АҚШнинг Техас штатидаги касалхоналарининг биридан 35 минг квадрат сантиметр тери жўнатилган.