Колумбия суди томонидан мамлакат собиқ етакчиси Альваро Урибе далилни сохталаштириш ва процессуал фирибгарлик қилмиши бўйича айбдор, деб топилиб, 12 йиллик уй қамоғига ҳукм қилинди. Энди у белгиланган муддатни уйидан чиқмай ўтказади. Айни қарор “Caracol” радиостанцияси эълон қилган суд ҳужжати матнида акс этган.

— Шунингдек энг кам ойлик иш ҳақининг 2420,5 баробари миқдоридаги жарима ва 100 ой 20 кун давлат лавозимида ишлашга тақиқ ҳукми ҳам чиқарилди, — дейилган маҳкама хулосасида.

2002-2010 йиллари Колумбия Президенти лавозимида ишлаган Урибе мамлакат тарихидаги энг нуфузли сиёсий арбоблардан бири саналади. Унда суд қарори устидан апелляция инстанциясига шикоят киритиш ҳуқуқи бор.