Колумбия президенти Густаво Петро Мексика ҳукумати билан биргаликда Россия ва Украина ўртасида тинчлик музокараларини бошлаш зарурлиги тўғрисида декларация тайёрланаётганини эълон қилди.

“Мен Европани тинчлик ҳақида гапиришга таклиф қиламан. Мексика билан биргаликда биз Лотин Америкаси давлатлари томонидан қўллаб-қувватланадиган қўшма декларацияни қабул қилмоқчимиз, умид қиламанки, тинчлик музокараларини бугундан бошлаш керак, чунки дунё бошқа муаммоларга эътибор қаратиш керак”, деди у.  

Бир кун аввал Боливия президенти Луис Арсе БМТ Бош Ассамблеяси сессиясида сўзлаган нутқида ушбу платформадан фойдаланиб, сайёрамизда тинчлик ўрнатиш бўйича йирик тарихий битим тузишни таклиф қилган эди.