Gonkongda bo‘lib o‘tgan kimoshdi savdosida qadimgi Koreya Koguryo qirolligiga oid tilla muhr 1,39 million dollarga sotildi. Bu narx dastlabki bahodan to‘qqiz baravar yuqori bo‘lib, tarixiy artefaktlar orasida rekord hisoblanmoqda.

<iframe width="1264" height="711" src="https://www.youtube.com/embed/HkkgKBwaan0" title="Koguryo davriga oid tilla muhr rekord narxga sotildi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Muhrning balandligi 2,8 sm, og‘irligi esa 88 gramm bo‘lib, uchi ot shaklida ishlangan. Ma’lumotlarga ko‘ra, bu muhr Xitoyning Jin sulolasi tomonidan Koguryo qirolligiga diplomatik sovg‘a sifatida berilgan bo‘lishi mumkin.

Bu muhr Koguryo bilan bog‘liq bo‘lgan birinchi mashhur muhr sifatida tarixiy ahamiyatga ega. Agar u haqiqiy bo‘lsa, u Koreya va Xitoy o‘rtasidagi qadimgi munosabatlar haqida muhim ma’lumotlar berishi mumkin.

Koreya tarixshunoslari muhr ustida chuqur ilmiy izlanishlar olib borilishi tarafdori. Ammo muhr koreys bo‘lmagan xususiy kolleksioner qo‘liga tushgani sababli bu imkoniyat boy berilishi mumkinligi aytilmoqda.

Madinabonu Nasriyeva, 
Anvarxo‘ja Ahmedov, O‘zA