“Замин” Халқаро жамоат фонди, Ўзбекистон Республикаси Қишлоқ хўжалиги вазирлиги, Академик М.Мирзаев номидаги боғдорчилик, узумчилик ва виночилик илмий-тадқиқот институти билан ҳамкорликда институтнинг Қашқадарё илмий тажриба станциясида “Ҳосилдор Замин” кўчатчилик марказининг ривожланиш концепцияси”, “Қашқадарё вилояти тупроқ-иқлим шароитига мос мевали кўчатларини кўпайтиришнинг замонавий агротехналогиялари” мавзуларида илмий амалий семинар бўлиб ўтди.

Унда Consort Group МЧЖ, Netherlands Fruit Solutions Uzbekistan вакили, Global GAP, Organic FSSI маслаҳатчиси ва Академик М.Мирзаев БУ ва ВИТИ Қашқадарё илмий тажриба станциясининг замонавий кўчат етиштириш бўйича мутахассислари иштирок этди.

[gallery-17878]

Netherlands Fruit Solutions Uzbekistan вакили, Global GAP, Organic FSSI маслаҳатчиси Фурқат Алимуҳамедов томонидан Замонавий мевали кўчатлар етиштириш бўйича Нидерландия тажрибасини тингловчилар билан бўлишди ва ҳозирги кунда Республикамизда мевачилик соҳасидаги камчиликлар ва ютуқларда Нидерландия тажрибаси қанчалар зарур эканлиги хақида тингловчиларга энг асосий ва долзарб маслаҳатлар берилди.

Академик М.Мирзаев БУ ва ВИТИ Қашқадарё илмий тажриба станцияси бўлим бошлиғи Ф.Қурбонов томонидан Мевали кўчатлар етиштиришнинг ташкилий ва иқтисодий асослари ҳақида семинар қатнашчиларига бир биридан қизиқ ва энг керакли маълумотлар улашилди.

Семинарнинг якунида тренерлар ва семенар қатнашчиларидан “Ҳосилдор Замин” замонавий кўчатчилик таълим мажмуаси ривожланиши учун энг асосий қилинадиган ишлар белгилаб олинди.

Ўлмас Баротов, Жамшид Норқобилов (сурат), ЎзА мухбирлари