Кобулда давлат хизматчилари кетаётган автобус портлатилди
Афғонистон пойтахти Кобул шаҳрида коммуникация ва ахборот технологиялари вазирлиги ходимлари кетаётган автобус портлаган.
Портлаш оқибатида қурбонлар сони ҳозиргача олти кишига етди, яна 16 киши жароҳат олган, деб хабар тарқатди РИА Новости вазирлик берган маълумотга таяниб.
Бундан сал аввалроқ Tolo News телеканали хавфсизлик органи манбаларига таяниб, уч киши ҳалок бўлгани ҳамда 12 киши жароҳат олгани ҳақда хабар берган эди.
Ҳозирча ушбу хунрезлик учун жавобгарликни ҳеч бир гуруҳ ўз зиммасига олмади.