Fermer xoʻjaligi paxta, gʻalla, pilla, meva-sabzavot va poliz mahsulotlarini yetishtirish bilan birga asalarichilik, parrandachilik hamda baliqchilikni samarali yoʻlga qoʻygan.

Xoʻjalik aʼzolari joriy mavsumda 21 quti ipak qurti parvarishlab, davlat xirmoniga 1 tonna 200 kilogrammga yaqin “kumush tola” topshirdi. 10 gektarlik bugʻdoy maydonining gektaridan 70 sentnerdan boshoqli don olish moʻljallanmoqda. 40 gektarli paxtazorda esa gʻoʻza parvarishi barcha agrotexnik qoidalar asosida olib borilmoqda

– Joriy yil tuman aholisini qishloq xoʻjaligi mahsulotlari bilan taʼminlash maqsadida 8 gektar maydonga turli sabzavotlar va poliz ekinlari ekdik, - deydi xoʻjalik rahbari Rajabboy Sultonov. –Parrandachilik tarmogʻimiz orqali ham aholi dasturxoniga parhezbop mahsulot yetkazib beryapmiz. Xoʻjaligimizda ayni vaqtda 29 nafar kishi doimiy ish bilan band.