Инсоннинг маънавий камолотини таъминлашда китоб сингари кучли қудратга эга восита йўқ. Шу боис азал-азалдан маърифат пешволари, аҳли донишлар бутун инсониятни китоб ўқишга, ундан илму одоб сирларини ўрганишга чорлаб келишган. Китоб мутолааси эса кишида шундай чин инсоний фазилатларни шакллантириб, уни ҳаётда ўз ўрнини топишга, жамиятнинг чинакам аъзосига айланишида, дунёқарашини кенгайтиришда беқиёс аҳамиятга эга.

Китобхонлик, унинг афзалликлари, оилада мутолаа маданиятини юксалтириш масалалари улуғ мутафаккирларимиз Абу Наср Форобий, ибн Сино, Юсуф Хос Ҳожиб, Алишер Навоий, Заҳириддин Муҳаммад Бобур, Абдурауф Фитрат, Абдулла Авлоний ва бошқаларнинг асарларида ёритилган. Ёшлар ўртасида китобхонлик ва мутолаа маданиятини ривожлантиришда оиланинг, ота-онанинг ўрни беқиёс эканлигини буюк алломаларимиздан бошлаб то бугунги тадқиқотчиларимизгача – барчаси исботлаб берган.

Бугунги лавҳамизда Ўзбекистон Республикаси Президентининг китобхонлик маданиятини ривожлантириш ва аҳоли ўртасида китоб ўқишга қизиқишни оммалаштириш бўйича қарорининг мазмун-моҳияти ҳақида маълумот берамиз.

<iframe width="650" height="420" src="https://www.youtube.com/embed/rvoe_OAslpA" title="Kitobxonlik – buyuk kelajak kafolati" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Муҳайё Турдалиева, Анвархўжа Аҳмедов, ЎзА