Жиззах вилоятидаги Дўстлик туман ихтисослаштирилган мактаби ташаббуси билан ташкил этилган “Бир ойда бир китоб” лойиҳаси доирасидаги китобхонлик танловининг финал босқичи бўлиб ўтди.

“Биз жадидларни ўрганамиз” шиори остида ўтказилган танловда жадидчилик ҳаракатининг йирик намоёндаси Абдулла Авлоний ҳаёти ва ижоди, унинг “Туркий гулистон ёхуд ахлоқ” асари ҳамда “Жадидлар” тўпламидан ўрин олган “Абдулла Авлоний” ҳақидаги материаллар таҳлил этилди. Финал босқичида иштирокчиларнинг билими тест синови ва савол-жавоблар орқали синовдан ўтказилди.  

– Лойиҳани ўтказишдан асосий мақсад ёшлар орасида китобхонлик маданиятини юксалтириш ҳамда уларга жадидлар меросини чуқур ўргатишдан иборат, - дейди Дўстлик туман ихтисослаштирилган мактаби директори Шоҳруҳ Ваққосов. – Абдулла Авлоний асарлари ёшларни маънавий камолотга чорлайди. Ушбу танлов орқали ўқувчиларни мустақил фикрлашга ва китоб билан дўст бўлишга ундаймиз.

[gallery-26903]

Якуний натижаларга кўра, 1-ўринни Шароф Рашидов туман ихтисослаштирилган мактаби ўқувчиси Ҳумоюн Ботиров эгаллади. 2-ўрин Фориш тумандаги ихтисослаштирилган мактаб ўқувчиси Суғдиёна Эгамбердиевага, 3-ўрин Бахмал туман ихтисослаштирилган мактаби ўқувчиси Нуржаҳон Нормуродовага насиб этди.

Ғолиб ва совриндорлар пул мукофотлари, китоб ҳамда дипломлар билан тақдирланди.

<iframe width="640" height="480" src="https://www.youtube.com/embed/NXrPhytQzho?si=p5nN8pmKEbX59smr" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Жамшид ЁРБЕКОВ (сурат, видео), ЎзА