Kinematografiya agentligi va Milliy kinematografiyani rivojlantirish markazi bilan hamkorlikda tashkil etilgan Kinokarvon safarlari davom etmoqda.

19 mart kuni Navro‘z bayrami oldidan Samarqand viloyati Samarqand shahridagi "Sharq yulduzi" kinoteatrida rejissyor Ali Hamroyevning “Samarqandda qovun tarovati” badiiy filmi namoyish etildi.

Namoyishdan avval film ijodkorlari bilan uchrashuv tashkil etildi. Ular kinozaldagi tomoshabinlar bilan “Samarqandda qovun tarovati” kinokartinasini suratga olish jarayonlari, Samarqand viloyatidagi sarguzashtlar, qiziqarli voqealar va jonli taassurotlar bilan o‘rtoqlashdi.

<iframe width="650" height="420" src="https://www.youtube.com/embed/xO5p5jHmHpM" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></iframe>

Mazkur kinokartina Kinematografiya agentligi buyurtmasiga binoan “Yoshlik” kinostudiyasi hamda Samarqand viloyati hamkorligida suratga olingan.

Ssenariy muallifi va postanovkachi rejissyor Ali Hamroyev, postanovkachi operator va rassom Rifkat Ibragimov, kartina direktori Hojiakbar Sagatov, rejissyor Azimjon Aytmatov, grimyor Sanobar Qanoatova, liboslar bo‘yicha rassom Sabina Nazarmuhammedova, rejissyor assistentlari Mahmudali Guseynov, Umidjon Ro‘ziboyev.

Kinokarvon safarlari respublikaning deyarli barcha hududlarida bo‘lib o‘tishi rejalashtirilgan. Yangi filmlar premeralari, ijodiy uchrashuvlar, davra suhbatlari, yorqin fotosessiyalar va jonli muloqotlar ham bo‘lib o‘tadi.

Kinematografiya agentligi Axborot xizmati.

O‘zA