Chirchiq shahridagi “Maksam-Chirchiq” ochiq aksiyadorlik jamiyatida eksportbop yangi turdagi kimyo mahsulotlarini ishlab chiqarish, tizimni modernizatsiya qilish, muqobil energiyadan samarali foydalanish yo‘llarini ommalashtirish masalalariga bag‘ishlangan seminar bo‘lib o‘tdi.

Chirchiq shahridagi “Maksam-Chirchiq” ochiq aksiyadorlik jamiyatida eksportbop yangi turdagi kimyo mahsulotlarini ishlab chiqarish, tizimni modernizatsiya qilish, muqobil energiyadan samarali foydalanish yo‘llarini ommalashtirish masalalariga bag‘ishlangan seminar bo‘lib o‘tdi.

Unda ishtirok etgan “O‘zkimyosanaot” davlat-aksiyadorlik kompaniyasi boshqaruvi raisi N.Ibrohimov va boshqalar Prezidentimiz Islom Karimov rahnamoligida kimyo sanoatini rivojlantirish, tarmoq korxonalarini texnik va texnologik yangilash, quvvatlardan oqilona foydalanish va tizimga energiya tejaydigan, ekologik xavfsiz texnologiyalarni joriy etish, eksportga mo‘ljallangan, import o‘rnini bosadigan raqobatbardosh mahsulotlar ishlab chiqarishni ko‘paytirish borasida amalga oshirilayotgan keng ko‘lamli ishlar o‘z samaralarini berayotganini alohida ta’kidladi.

Davlatimiz rahbarining 2009-yil 12-martda qabul qilingan "2009-2014-yillarda ishlab chiqarishni modernizatsiya qilish, texnikaviy va texnologik qayta jihozlash bo‘yicha eng muhim loyihalarni amalga oshirish chora-tadbirlari dasturi to‘g‘risida"gi qarori bu borada muhim dasturulamal bo‘layotir.

Seminarda “O‘zkimyosanoat” davlat-aksiyadorlik kompaniyasi tizimidagi “Navoiyazot”, “Ammofos-Maksam”, “Farg‘onaazot” kabi bir qator korxonalarda mehnat qilayotgan yetakchi mutaxassislarning sohada amalga oshirilayotgan ishlarga oid taqdimotlari o‘tkazildi.

Tadbir ishtirokchilari “Maksam-Chirchiq” korxonasi faoliyati, bu yerda elektr energiyani tejash bo‘yicha amalga oshirilayotgan ishlar bilan yaqindan tanishdi.