Ma’lumki, davlat ishtirokidagi yirik korxonalarni transformatsiya qilish va zamonaviy korporativ boshqaruvni joriy etish bo‘yicha izchil ishlar olib borilmoqda.

Mazkur vazifalar ijrosi doirasida “O‘zkimyosanoat”  aksiyadorlik jamiyati korxonalarining “S&P Globa”l xalqaro reyting agentligi bilan hamkorligi amaliy natija bermoqda.

Unga ko‘ra, tarmoq korxonalari xalqaro ESG reytingida yuqori pog‘onaga ko‘tarildi. Ya’ni,  “Dehqonobod kaliy zavodi” AJ  37 ballga erishdi, “Maxam-Chirchiq” AJ 16 ball oldi va “Ammofos-Maxam” AJ 12 ball bilan baholandi.

Jamiyat axborot xizmatining ma’lum qilishicha, ESG tamoyillarini joriy etish shunchaki reyting emas, balki barqaror va mas’uliyatli kelajakka qaratilgan strategik qadam hisoblanadi.

N.Ziyodullayeva, O‘zA