Маълумки, давлат иштирокидаги йирик корхоналарни трансформация қилиш ва замонавий корпоратив бошқарувни жорий этиш бўйича изчил ишлар олиб борилмоқда.

Мазкур вазифалар ижроси доирасида “Ўзкимёсаноат”  акциядорлик жамияти корхоналарининг “S&P Globa”l халқаро рейтинг агентлиги билан ҳамкорлиги амалий натижа бермоқда.

Унга кўра, тармоқ корхоналари халқаро ESG рейтингида юқори поғонага кўтарилди. Яъни,  “Деҳқонобод калий заводи” АЖ  37 баллга эришди, “Махам-Чирчиқ” АЖ 16 балл олди ва “Аммофос-Махам” АЖ 12 балл билан баҳоланди.

Жамият ахборот хизматининг маълум қилишича, ESG тамойилларини жорий этиш шунчаки рейтинг эмас, балки барқарор ва масъулиятли келажакка қаратилган стратегик қадам ҳисобланади.

Н.Зиёдуллаева, ЎзА