Солтүстік Корея басшысы Ким Чен Ын елдің шамамен 20 аймағында жаңа әлеуметтік және өндірістік жобалар жүзеге асырылатынын хабарлады. Оның айтуынша, бұл арқылы КХДР-ді «түпкілікті жаңғырту» мақсат етілген.

DW басылымының мәліметінше, арнайы жоспар аясында жаңа медициналық мекемелер, демалыс орындары, ойын-сауық кешендері, сондай-ақ өндірістік кәсіпорындар салынады.

Ким Чен Ын Хванхэ-Намдо провинциясында символикалық батырманы басып, құрылыс жұмыстарын бастады. Ол ел бойынша қалалар мен аудандардың шамамен үштен бірі жаңа келбетке ие болатынын атап өткен.