Солтүстік Корея басшысы Ким Чен Ын елдің «коронавируспен күресте жеңіске жеткенін» жариялап, мамыр айында енгізілген эпидемияға қарсы шараларды алып тастауды бұйырды.

KMTA мемлекеттік ақпараттық агенттігінің хабарлауынша, эпидемияға қарсы шараларға арналған жиында Ким Чен Ын «эпидемияға қарсы төтенше науқанда жеңіске жеткенін салтанатты түрде жариялап», халықты сергек болуға және шекаралас аймақтарда бүкіл әлем бойынша маймыл шешегі мен COVID-19 басқа нұсқалары таралуына байланысты бақылау шараларын жүргізуге шақырған.

Солтүстік Корея билігі сәуір айының соңында коронавирустың алғашқы жағдайы туралы хабарлады. Күнделікті COVID-19 ауруы 15 мамырда шарықтау шегіне жетіп, содан кейін күніне 392 мың жағдай тіркелген. 

Ким Чен Ын осы жиында коронавирусты КХДР құрылғаннан бергі ең үлкен соққы болғанын айтқан.