Бугун эрталаб Киевда яна ҳаво тревогаси эълон қилинди, дейилади Киев шаҳри маъмурияти Telegram-канали орқали.

Ҳаво тревогаси ҳақида огоҳлантириш Киев вилояти маъмурияти Telegram-каналида ҳам жойлаштирилган.

Россия қуролли кучлари ўтган уч кун давомида Украина инфратузилмаларига юқори аниқликдаги ракеталар билан зарба бермоқда. Хабарда таъкидланишича, 10 октябрь куни Президент Владимир Путин Хавфсизлик кенгашининг доимий аъзолари билан бўлиб ўтган мажлисда ушбу зарбалар Киевнинг Қрим кўпригида ва Россиянинг бошқа фуқаро объектларига теракт уюштиргани учун жавоб эканини айтган.

Украина энергетика вазири Герман Галущенконинг таъкидлашича, душанба ва сешанба кунлари мамлакат энергетика инфратузилмаларининг тахминан 30 фоизи зарар кўрган.