Украина парламенти спикери Руслан Стефанчук Украина ва Буюк Британия ўртасидаги 100 йиллик ҳамкорлик шартномаси расман кучга кирганини маълум қилди.

Сентябрь ойида Владимир Зеленский икки ўлка ўртасидаги мазкур ҳамкорлик шартномасини ратификация қилиш тўғрисидаги қонунни имзолаганди.

Стефанчук таъкидлашича, келишув матни, уни ратификация қилувчи Украина қонуни ва ҳужжатнинг кучга кириши тўғрисидаги нота Британия парламенти палатаси спикери Линдси Хойлга топширилган.

Битим хавфсизлик, мудофаа, иқтисод, фан, технология, ижтимоий ва миграция масалалари, шунингдек, адлия ва ахборот хавфсизлиги соҳаларида узоқ муддатли стратегик ҳамкорликни ўз ичига олади. 

С.Раҳимов, ЎзА