DW агентлиги Украина парламентидаги манбаларга таяниб, АҚШ маъмурияти Украинадаги урушни тинч йўл билан ҳал этиш бўйича келишувни 15 майдан кечиктирмасдан имзолашни мақсад қилган, деб хабар берди.

Украина Олий Радаси депутати Алексей Гончаренко ҳам буни тасдиқлаган. Унинг сўзларига кўра, 3 ноябрда АҚШ Конгрессига оралиқ сайловлар бўлиб ўтади. Агар Трамп май ойига қадар урушни тугатиш бўйича аниқ натижа кўрсата олмаса, бу унинг сиёсий обрўсига салбий таъсир қилади. Шу сабабли май ойи АҚШда Украина ва Россия ўртасидаги келишув учун норасмий охирги муддат сифатида қаралмоқда.  

Ўтган дам олиш кунлари Абу-Дабида Россия, Украина ва АҚШ вакиллари ўртасида илк уч томонлама музокаралар бўлиб ўтди.  

Москва ўзининг қатъий талабида турибди, яъни Украина армияси бутун Донбасс ҳудудидан, шу жумладан ҳозирча Россия назоратида бўлмаган ерлардан ҳам чиқиб кетиши керак. Украина эса бу талабни қатъиян рад этмоқда.            

<iframe width="412" height="732" src="https://www.youtube.com/embed/4yU3JO2d2po" title="Kiyev: Tramp urushni 15-maygacha yakunlashni maqsad qilgan" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Кенжа Бекжонов, Анвархўжа Аҳмедов, ЎзА