Хитойнинг “Xinjiang Hualing Industry & Trade Group Co. Ltd.” компанияси президенти Ми Эн Хуа бошчилигидаги делегация Тошкент вилоятида бўлди
Мамлакатимизда амалий ташриф билан бўлиб турган Хитойнинг “Xinjiang Hualing Industry & Trade Group Co. Ltd.” компанияси президенти Ми Эн Хуа бошчилигидаги делегация Тошкент вилоятида бўлди.
Мамлакатимизда амалий ташриф билан бўлиб турган Хитойнинг “Xinjiang Hualing Industry & Trade Group Co. Ltd.” компанияси президенти Ми Эн Хуа бошчилигидаги делегация Тошкент вилоятида бўлди.
Нурафшон шаҳрида бизнес соҳаси вакилларидан иборат хитойлик меҳмонларни Тошкент вилояти ҳокими Рустам Холматов кутиб олди.
Музокараларда хитойлик инвесторларга вилоятнинг инвестиция салоҳияти, шу жумладан, Нурафшон шаҳрида қурилиши режалаштирилаётган мамлакатимиздаги илк ақлли шаҳар – “Smart Сity” лойиҳаси бўйича маълумот берилди.
Нурафшон шаҳар ҳокими Қаҳрамон Ҳамдамов инвесторларга мазкур ҳудудда замонавий меҳмонхона, кўп қаватли уйлар, таълим муассасалари қуриш таклифини билдирди. Ўз навбатида, хитойлик тадбиркорлар меҳмонхона бизнесига кўпроқ қизиқиш билдирди.
Икки томонламана музокаралардан сўнг делегация аъзолари шаҳардаги “Smart Сity” лойиҳасига ажратилган ер майдони, Тошкент денгизи атрофида бизнес юритиш учун мавжуд имкониятлар билан танишди.
