Меҳмонлар ташриф давомида Самарқанд шаҳрининг диққатга сазовор жойлари, тарихий обидалари, миллий ҳунармандчилик маҳсулотлари билан танишди, Самарқанд туманидаги “Агромир” компаниялар гуруҳининг мева-сабзавотларни қайта ишлаш корхонасида бўлди. Делегация аъзолари корхонада мева шарбатлари ишлаб чиқариш жараёнини кўздан кечирди. Ўзларини қизиқтирган саволларига корхона мутасаддиларидан атрофлича жавоб олди. Жумладан, мева шарбатларини сақлаш, қадоқлаш билан боғлиқ тартиб-қоидалар, шунингдек, давлат томонидан қайта ишлаш корхоналарига берилган имтиёзлар ҳақида батафсил маълумот олди. Хитойликлар “Агромир” маҳсулотларининг мазаси ва сифатига юқори баҳо берди.