Масалан, Россиянинг Гамалея номидаги Эпидемиология ва микробиология илмий текшириш маркази вирусологи Анатолий Альтштейннинг фикрича, Хитой касаллик тарқалиши олдини олиш учун темир интизом ва самарали карантин чораларини қўллади.

"Улар кенг тарқалишга улгурмасдан аввал эпидемиянинг олдини ола билди. Биз эса вирус тарқалишига йўл қўйиб бердик ва энди карантин тартиби билан ҳам касалликни бартараф эта олмаяпмиз", — деди мутахассис.

Хабарда айтилишича, Хитойда коронавирус тарқалиши даражаси пастлигига яна бир сабаб бор: бу ерда инсон иммун тизимини мустаҳкамлашга ёрдам берадиган халқ табобати воситалари жуда оммалашган.