Хитой Ташқи ишлар вазирлиги Дональд Трампнинг баёнотига берган жавобида, АҚШ даги президентлик сайловлари — бу мазкур мамлакат ички иши эканлигини маълум қилди. Пекин сайловларга аралашишдан манфаатдор эмаслигини таъкидлади.

Дональд Трамп “Reuters” агентлигига берган интервьюсида, унинг АҚШ президентлиги сайлов пойгасида мағлуб бўлиши учун Хитой барча имкониятларни ишга солаётганини маълум қилган эди.

Унинг таъкидлашича, Трамп Оқ уйга келганидан бери Пекин Вашингтон олиб бораётган савдо муносабатлари ва сиёсатидан норози бўлиб келмоқда. Шунингдек, Трамп Хитой Қўшма Штатлар президентлигига собиқ вице-президент Джо Байденни муносиб кўришини қайд этган.

Хитой ташқи ишлар вазирлиги Доналд Трампнинг баёнотига берган жавобида, АҚШдаги президентлик сайловлари — бу мазкур мамлакат ички иши эканлигини маълум қилди. Пекин сайловларга аралашишдан манфаатдор эмаслигини таъкидлади.

Маълумот ўрнида, сўнги бир неча ойдан бери давом этиб келаётган Вашингтон ва Пекин ўртасидаги савдо масалалари бўйича баҳс ва қарама қаршиликлар охирги ҳафталарда кучайди. Бу Хитойнинг марказий қисмида пайдо бўлган коронавирус эпидемиясининг АҚШгача етиб бориши билан боғлиқ.

Трамп АҚШда ўн минглаб одамларнинг ҳалок бўлишига олиб келган ва иқтисодий рецессияга сабаб бўлган глобальпандемия учун масъулиятни Хитойга ағдармоқда.

АҚШ президенти Дональд Трамп коронавирус Хитойнинг вирусология лабораторияларида пайдо бўлгани ҳақида “комил ишонч билан” гапириш учун ўзида далиллар етарлилиги ҳақида баёнот берди. Трампнинг баёнотидан аввал АҚШ разведка хизматлари пандемия Хитойдаги лабораториянинг хатоси туфайли тарқалгани борасидаги версияни ўрганаётганликларини маълум қилган эди.