Шарқ маданиятида хаттотлик, миниатюра санъати ўзига хослиги, жозибаси билан алоҳида ажралиб туради. Қадимдан Шаҳрисабз жуда кўп моҳир хаттотлар, мусаввирлар, муқовасозлар етишиб чиққан юрт сифатида танилган. 

Ушбу моҳир ҳуснихат эгалари кўплаб ғазалу достонлар, тарихий асарларнинг халқимиз хонадонларига кириб бориши ва китоб жавонларидан ўрин олишига ўз ҳиссаларини қўшганлар.

Шаҳрисабзлик миниатюрачи рассом Жовли Тўраев ушбу анъанани давом эттириб келаётган ҳунармандлардан.

- Ўзим хаттотлик, муқовасозлик, араб каллиграфияси бўйича учинчи авлод вакилиман, - дейди Ж.Тўраев. - Ҳозирда шогирдларга йўқолиб кетаётган ҳунарларни мукаммал ўргатиб, уларда миниатюра санъатига хос бадиий-эстетик қарашларни табриклашга, минг йилгача оҳорини йўқотмайдиган санъат асарларини тушунтиришга ҳаракат қилаяпман.