Кенияның жоғары әскери басшылығының өкілдері 18 сәуірде тікұшақ апатынан қаза тапты.

Al Arabia хабарлауынша, апатқа ұшыраған тікұшақтың бортында елдің қорғаныс министрі де болған. 

Кения президенті Уильям Руто оқиғаға байланысты Ұлттық қауіпсіздік кеңесінің шұғыл отырысын шақырды.

Қорғаныс күштерінің басшысы генерал Фрэнсис Омонди Оголланың қайтыс болғаны ресми түрде расталды. Оқиға ел астанасы Найробиден солтүстік-батысқа қарай 400 шақырым жерде орналасқан Эльгейо Мараквет ауданында болған.

«Тікұшақ апаттан кейін өртенді. Бортта 10-нан астам жоғары шенді командир, оның ішінде генерал Оголла болған», - делінген ресми хабарламада.

Қайтыс болған министр, 61 жастағы Оголла өткен жылдың сәуір айында қорғаныс күштерінің басшысы болып тағайындалды. Министр мен оның басқа серіктері бұл аймаққа арнайы тапсырмамен жіберілгені айтылған хабарламада.