Кенияда нөсер жауын мен су тасқыны салдарынан туындаған табиғи апаттан зардап шеккендердің саны 174 адамға жетті.

Синьхуа агенттігінің хабарлауынша, бұл деректі үкімет өкілі Исаак Мваура Найробиде журналистерге берген мәлімдемесінде айтқан.

Соңғы үш күнде алты адам көшкіннің астында қалды. Төтенше жағдайларды басқару ұлттық орталығы соңғы оқиғалардың салдарын азайту үшін құзырлы мекемелер және жергілікті атқарушы органдармен бірлесіп, су тасқыны жағдайын жіті бақылауды жалғастыруда.

Үкіметтің мәліметінше, қазан айынан бері Ал-Нино құбылысы тудырған толассыз жауған жаңбыр 47 ауданның 38-іне әсер етіп, қатты су тасқынына әкелген.

Мваура мырза елдің оңтүстік-шығысындағы Тана өзені аймағы мен Ламу аймағы су тасқынынан ең қатты зардап шеккенін айтты. Бұл аймақтарда төтенше жағдайды жою және халыққа көмек көрсету жұмыстары жалғасуда.

Кенияның метеорологиялық қызметі қазан айында басталған қалыптан тыс ауа райы 2024 жылдың қаңтарына дейін жалғасады деп болжайды.