28 февралдан 2 мартгача Кения пойтахти Найробида БМТ Ассамблеясининг атроф-муҳит (ЮНЕА) бўйича бешинчи сессияси онлайн режимда бўлиб ўтади.

Унда асосий мавзу барқарор ривожланиш соҳасидаги мақсадларга эришиш учун табиатни муҳофаза қилишга қаратилган тадбирларни кучайтиришга бағишланади.

Тадбирда БМТга аъзо дунёнинг 193 та давлатидан, фуқаролик жамиятларидан вакиллар иштирок этиб, улар барқарор ривожланиш моделини таъминлаш соҳасида ўзаро тажриба алмашади.

3-4 март кунлари Ассамблея ўзининг махсус сессиясини ҳам ўтказади. У атроф-муҳит бўйича БМТ Дастури ташкил этилганининг 50 йиллигига бағишланади.