Кенияда су басқан көпірден өтіп бара жатқан автобус өзенге құлап, 23 адам қаза тапты.

The Star басылымының хабарлауынша, өзенге құлаған автобустан жалпы 12 адам құтқарылған. Қаза болған 23 азаматтың 15-і бір үйдің мүшесі болып, олар тойға бара жатқаны айтылады. 

Басылым дерегінше, қаза тапқандар саны артуы мүмкін. Өйткені құтқару жұмыстары кеш түсіп, қараңғыда істеу мүмкін болмағандықтан іздестіру тоқтатылған.

Оқиға орнына барған бұрынғы Китуи сенаторы Дэвид Мусила Китуи округінің үкіметін болашақта мұндай апаттардың алдын алу үшін көпірді тасқынға берік етіп құруға шақырғаны айтылады хабарламада.