Bugʻdoyning gektariga 150-180 kilogrammdan sara urugʻ, 300 kilogramm fosfor hamda 100 kilogrammdan kaliyli mineral oʻgʻitlar bilan ekilgani, ayniqsa, bu yilgi injiq ob-havo sharoitida tajribali dehqonlarimizning zahmatli mehnati yuksak gʻalla xirmoni bunyod etib, kattaqoʻrgʻonliklarning uyi donga toʻlishiga zamin yaratdi.

Tuman mirishkorlari qisqa fursat – 12 kunda 28 ming 214 tonnadan koʻproq gʻalla yigʻib olib, moʻljaldagidan koʻra koʻproq hosil yetishtirdi.

Bu yilgi oʻrim-yigʻim mavsumida tuman gʻallachiligi tarixida yangi rekord oʻrnatildi. Xususan, hududda ilk bor bir kunda rekord darajadagi hosil – 3 ming 818 tonnagacha gʻalla oʻrib olishga erishildi.