Katta yettilik mamlakatlari 2035 yilgacha atrof-muhit uchun zararsiz elektr energiya ishlab chiqarishga kelishib oldi.

Ko‘mirdan foydalanishni to‘xtatish “Yettilik”ning umumiy maqsadi hisoblanadi, deb bayonot berdi Berlinda bo‘lib o‘tgan G7 mamlakatlari iqlim, energetika va atrof-muhit vazirlarining iqlim bo‘yicha bo‘lib o‘tgan uchrashuvidan keyin uyushtirilgan brifingda Germaniyaning iqtisodiyot va iqlim bo‘yicha vaziri, vitse-kansler Robert Xabek.

"Energetika tarmog‘ini havoga is gazini chiqarishdan xalos qilish uchun ulkan qadam  tashlandi. G7 ga a’zo barcha davlatlar 2035 yilgacha energetika tarmog‘ini to‘liq yashil energetika ishlab chiqarishga o‘tkazadi. Ko‘mirdan butunlay voz kechish “Yettilikka” kiruvchi mamlakatlarning umumiy maqsadi hisoblanadi", - dedi vazir.