“Катта еттилик” мамлакатлари (G7) молия вазирлари учрашуви якуни бўйича қабул қилинган ҳужжат матнида айтилишича, яқин келажакда Украина билан ўт очишни тўхтатиш келишувига эришилмаса, “G7” мамлакатлари Россияга қарши санкцияни кучайтириш йўларини кўриб чиқиши мумкин.

- Ўт очишни тўхтатиш бўйича давом этаётган саъй-ҳаракатни олқишлаймиз, - дейилган баёнотда. - Агар ўт очишни тўхтатиш бўйича келишувга эришилмаса, биз ҳар қандай эҳтимолий йўл, жумладан санкцияни янада кучайтиришдек энг юқори босим ўтказиш масаласини ҳам кўтарамиз.

Мулоқот иштирокчилари, шунингдек, Киев режимини “доимий қўллаб-қувватлаш”ларини билдирган.

“Politico” нашри ёзишича, Қўшма Штатлар Киевни қўшимча қўллаб-қувватлаш фикрига қарши чиққан.

АҚШ Давлат котиби Марко Рубио вазиятга изоҳ бераркан, Оқ уй “душман тили”да гаплашишга қарши, чунки бу Россия ва Украина музокарасини ташкил этиш ҳаракатига тўсқинлик қилиши мумкин, деди.

“Катта еттилик” молия вазирлари йиғилиши 20-22 май кунлари Канадада бўлиб ўтди.