Қорақалпоғистон Республикаси Беруний туманидаги “Кашфиётчи ёшлар” хусусий корхонасига қарашли замонавий иссиқхона Жанубий Корея технологияси асосида барпо этилган. Жами 2 гектар майдондаги иссиқхонада помидор ва бодринг етиштирилади.

Бу ерда кўчатларни томчилатиб суғориш, озиқлантириш ва парваришлаш ишлари автоматлаштирилган тизим орқали олиб борилади. Ўтган 2025 йил август ойида Испания давлатидан олиб келинган 42 минг дона “Магнум” навли помидор кўчати иссиқхонага экилди ва ундан йил охирига қадар 100 тоннага яқин ҳосил олишга эришилди.

[gallery-27778]

Хўжалик аъзолари 2026 йил бошида помидордан бўшаган майдонга яхши ният билан бодринг кўчатини қадади. Ҳозирда кўчатларнинг ривожланиши яхши, олди ҳосил тўплашга киришган. Ўсимликлар карантини ва ҳимояси агентлигининг масъул ходимлари томонидан иссиқхонада фитосанитар хавфсизликни таъминлаш, зарарли организмлар тарқалишининг олдини олиш ва маҳсулот хавфсизлигини кафолатлаш борасида доимий кузатув ишлари олиб борилмоқда.  

<iframe width="650" height="420" src="https://www.youtube.com/embed/0fc-FM7C0eg" title="“Kashfiyotchi yoshlar”ning zamonaviy issiqxonasi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Мақсад ҲАБИБУЛЛАЕВ (сурат ва видео), ЎзА