Мамлакатимизда эркин ва фаровон ҳаёт, демократик жамият қуриш йўлида олиб борилаётган изчил ислоҳотлар ва уларнинг амалий натижаларини таъминлашда касаба уюшмаларининг ҳам муносиб ҳиссаси бор.
Касаба уюшмалари ходимларнинг касбий, меҳнатга оид, ижтимоий-иқтисодий ҳуқуқ ва манфаатларини амалга ошириш ҳамда ҳимоя қилишда тарихий йўлни босиб ўтди. Айниқса, сўнгги йилларда бу жамоат ташкилоти энг ҳақчил бирлашма сифатида мамлакат аҳлини якдил қила олди, унинг ҳурмати ва ишончини қозонди.
Яқинда Ўзбекистон Президенти мамлакат касаба уюшмалари фаоллари билан бўлган учрашувда ташкилотнинг Янги Ўзбекистон қурилаётган шароитдаги муҳим вазифаларини белгилаб берди.
Бугун Ўзбекистон Касаба уюшмаларининг Фарғона вилоятидаги 800 минг аъзоси орасидан энг фаолларини уюшманинг 120 йиллиги эсдалик нишони билан тақдирлаш тадбири бўлиб ўтди. Унда сўзга чиққанлар сўнгги йилларда республика касаба уюшмаси чин маънода меҳнаткашларнинг яқин ҳимоячиси ва қўллаб-қувватловчи ижтимоий кучга айланганини айтдилар.
Шундан сўнг 94 нафар тармоқ фаолига “Ўзбекистон касаба уюшмаларининг 120 йиллиги” эсдалик нишони тантанали равишда топширилди.
– Касаба уюшмаларига халқнинг ишончи ортди. Сабаби ҳар бир соҳада олиб бораётган ишлари кўриняпти, билиняпти, айниқса. аёлларимиз сезяпти, – дейди Маданият, спорт ва туризм ходимлари касаба уюшмаси кенгашининг Фарғона вилояти бўйича масъул ташкилотчиси Манзура Акрамова. – “Касаба уюшмалари харакатининг 120 йиллиги” кўкрак нишони билан тақдирландик. Касаба уюшмалари Федерациясининг 9-қурултойида белгилаб берилган 15 та йўналиш бўйича ишларни давом эттирамиз. Бугунги мукофот учун ўз миннатдорлигимизни билдирамиз.
<iframe width="640" height="420" src="https://www.youtube.com/embed/gA3LvEdOWRw" title="Kasaba uyushmasi faollari esdalik nishonlari bilan taqdirlandi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>Муҳаммаджон Обидов, Элёр Олимов (видео, сурат), ЎзА