Әлемнің екінші ракеткасы испаниялық Карлос Алькарас 2025 жылғы АҚШ ашық чемпионатының (US Open) жеңімпазы атанды.

Ол финалда әлемнің бірінші ракеткасы италиялық Янник Синнерді жеңді.

Кездесу төрт сетке созылып, 6:2, 3:6, 6:1, 6:4 есебімен испандық теннисшінің пайдасына шешілді. Теннисшілер кортта 2 сағат 42 минут бойы ойнады.

Осылайша Алькарас екінші рет US Open чемпионы атанды. Бұл – оның «Үлкен дулыға» турнирлеріндегі алтыншы титулы. Бұған дейін испандық екі мәрте «Ролан Гарроста» (соның ішінде биылғы маусымда) және екі рет Уимблдонда жеңіске жеткен.

Бұл нәтижелер Алькарасқа әлемдік рейтингте қайтадан бірінші орынға көтеріліп, Синнерді екінші орынға ығыстыруға мүмкіндік берді.