Birlashgan Arab Amirliklarining Fujayra turnirida mamlakatimiz karatechilari WKF yo‘nalishi bo‘yicha “Yoshlar ligasi” musobaqasida muvaffaqiyatli ishtirok etmoqda.

67 ta davlatning 1200 nafarga yaqin karatechilari qatnashayotgan bahslarda 48 kilogramm vaznda hamyurtimiz Gulshan Alimardonova oltin medalga musharraf bo‘ldi.

Shuningdek, ortda qolgan turnir bahslarida hamyurtlarimizdan 76 kilogrammda Islombek Ismatullayev kumush medalni qo‘lga kiritdi.

Olimpiya o‘yinlari g‘olib va sovrindorlari, nufuzli musobaqalarning g‘oliblari ishtirokidagi bahslar davom etmoqda, deyiladi Milliy olimpiya qo‘mitasi xabarida.

T.Ro‘ziyev,O‘zA