Каратэ: Остона мусобақаларида 21 та медаль қўлга киритилди
Қозоғистоннинг Остона шаҳрида каратэнинг WКF йўналиши бўйича ёшлар, ўсмирлар ва кичик ўсмирлар терма жамоалари ўртасида ўтказилган «Qozog'iston open» халқаро турнирида мамлакатимиз каратэчилари 21 та медалга сазовор бўлди.
Остона татамиларида ўтказилган шиддатли жанглар сарҳисобига кўра, мамлакатимиз каратэчилари 7 та олтин, 3 та кумуш ва 11 та бронза медалига мушарраф бўлди. Уларнинг жасорати ва иродаси эвазига қўлга киритилган ғалаба ва совринлар туфайли қўшни Қозоғистон спорт мажмуасида Ўзбекистон байроғи кўтарилиб, мадҳиямиз баралла янгради.
Т. Рўзиев, ЎзА