Карантин даврида тинмай қўл телефонидан фойдаланиш кўришнинг ёмонлашишига сабаб бўлади, — дейди болалар офталмологи Александр Ушников.

Унинг фикрича, смартфон фақат қўнғироқ қилиш ва хабар жўнатиш учун мўлжалланган. Шифокор болалар учун иккинчи ўринда планшетни хавфли гаджет дея эътироф этади. Кўпинча ота-оналар фарзандларининг планшет орқали соатлаб мултьфилмлар томоша қилишларига рухсат беради. Бу умуман мумкин эмас. Яхшиси, болаларингиз билан бирга ўйнанг, улар билан қизиқарли буюмлар ясанг, расм чизинг, уларга китоб ўқиб беринг. Фарзандларингизни кўзга салбий таъсир қилувчи бундай воситалардан узоқ тутинг, — дейди мутахассис.

Офталмолог ноутбук ва компьютерларни ҳам хавфли дея ҳисоблайди. Унинг таъкидлашича, масофадан туриб ишлайдиган ходимлар ҳамда масофавий таълим оладиган талабалар иш ва ўқиш жараёнида ҳар замонда дам олишни унутмасликлари лозим. Узоқ вақт компьютер қаршисида ўтириш кўз мушакларининг зўриқишига олиб келади.

Катталар кўзлари учун кунига 5-6 марта 30 дақиқалик танаффус эълон қилганлари маъқул, — дейди шифокор.