Карантинда бўлган 158 нафар чироқчилик фуқаролар уйига қайтди
Жорий йилнинг 12 апрел куни 84 нафар ва бугун 74 нафар жами 158 нафар Қарши шаҳридаги вилоят кўп тармоқли тиббиёт марказида икки ҳафта давомида карантинда бўлган фуқаролар уйига қайтди.
Жорий йилнинг 12 апрел куни 84 нафар ва бугун 74 нафар жами 158 нафар Қарши шаҳридаги вилоят кўп тармоқли тиббиёт марказида икки ҳафта давомида карантинда бўлган фуқаролар уйига қайтди.
Вилоят кўп тармоқли тиббиёт маркази бош шифокори Тўлқин Расуловнинг маълум қилишича, карантиндан чиқарилган фуқароларнинг барчаси Чироқчи туманининг Зум қишлоғидан олиб келинган ва карантинда сақлаб турилган. Карантиндан чиққан фуқароларни манзилларига етказиш учун вилоят ҳокимлиги томонидан автобуслар ташкил қилинган. Автобуслар вилоят ИИБ ЙҲХ бошқармаси автомобиллари ҳамроҳлигида ҳаракатланади. 14 кун давомида карантинда бўлган фуқаролардан бир неча марта анализ олинган ва уларнинг ҳеч бирида коронавирус аниқланмаган. Эндиликда уларнинг барчаси маълум муддат тиббий кузатувда бўлади.
Маълумот ўрнида айтиш лозимки, вилоят кўп тармоқли тиббиёт марказида жами 215 нафар фуқаро карантинда сақланаётган эди.