Karantin qoidasini buzgan 3 shaxsga qamoqqa olish ehtiyot chorasi qoʻllanildi
Karantin qoidalarini buzish qonunchilikka muvofiq javobgarlikka sabab boʻladi.
Karantin qoidalarini buzish qonunchilikka muvofiq javobgarlikka sabab boʻladi. Qoidalarning qoʻpol tarzda buzilishi esa jinoiy javobgarlikni keltirib chiqaradi.
Oliy sud matbuot xizmati rahbari Aziz Obidovning OʻzAga maʼlum qilishicha, shu kunga qadar, Jinoyat ishlari boʻyicha Buxoro, Denov tuman va Chirchiq shahar sudlari chiqargan ajrimlariga muvofiq, Jinoyat kodeksining 25, 257-1-moddasi 1-qismi bilan qoʻzgʻatilgan jinoyat ishlari boʻyicha jami 3 nafar shaxsga nisbatan qamoqqa olish tarzidagi ehtiyot chorasi qoʻllanildi.