Карантин қоидасини бузганларга 107 миллион сўмдан зиёд жарима солинди
Хабарингиз бор, мамлакатимиз қонунчилигида карантин қоидаларини бузганлик учун жавобгарлик белгиланган.
Хабарингиз бор, мамлакатимиз қонунчилигида карантин қоидаларини бузганлик учун жавобгарлик белгиланган.
Бу ҳақда оммавий ахборот воситалари орқали тинмай бонг урилмоқда. Аммо шунга қарамай, белгиланган қоидаларга риоя этмаётган кишилар учраб турибди.
- Бугунги кун ҳолатига кўра, маъмурий судлар томонидан 289 нафар шахс жавобгарликка тортилди, — дейди Олий суд матбуот хизмати раҳбари Азиз Обидов. – Бу шахслар Маъмурий жавобгарлик тўғрисидаги кодексининг 54-моддаси, яъни эпидемияларга қарши курашиш қоидаларини бузган.
Жавобгарликка тортилган шахслардан 274 нафар шахсга нисбатан жами 107 миллион 876 минг 250 сўм миқдорида жарима жазоси тайинланган. 15 нафар шахсга нисбатан иш юритишдан тугатилган.
289 нафар шахснинг 14 нафари аёл, 4 нафари 60 ёшдан ошган шахс, 2 нафари чет давлат фуқароси ва 2 нафари фуқаролиги бўлмаган шахсдир.