Покистоннинг энг йирик шаҳри – Карачида жойлашган “Gul Plaza” савдо марказида кучли ёнғин содир бўлди. Ҳодиса оқибатида камида 11 киши ҳалок бўлган, 60 нафардан ортиқ инсоннинг тақдири эса ҳозирча номаълум.

Махсус хизмат вакиллари вайрона остида қолгани тахмин қилинаётган фуқароларни қидиришда давом этяпти.

18 январь куни кечқурун шаҳарнинг ишбилармонлик ҳудудида жойлашган бир неча қаватли йирик савдо мажмуасида чиққан оловни ўчириш учун 24 соатдан зиёд вақт керак бўлди. Ён-атрофдаги иншоотлар зич жойлашгани ишни анча қийинлаштирган.

Ўт ўчирувчилар маълум қилишича, 1 200 дан кўп дўкон жойлашган бинода шамоллатиш тизими етарли эмаслиги сабаб қалин тутун тез тарқалган. Бу ҳолат ичкарида қолиб кетганларни топиб қутқаришни секинлаштирган.

Якшанба оқшомига келиб, уйнинг катта қисми қулаган. Кўчага металл йиғма парчалари, бўлинган қурилиш материаллари, қулаган кондиционер ва дўкон пештоқидаги ёзувлар сочилиб кетган.

Қутқарувчилар бинoнинг қолган қисми ҳам беқарор ҳолатда экани, яна йиқилиши хавфи борлигидан огоҳлантирмоқда.

<iframe width="650" height="420" src="https://www.youtube.com/embed/KzHWjPRBVmg" title="Karachidagi savdo markazida yong‘in sodir bo‘ldi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Ф.Яхшибоева, ЎзА