Париж Олимпиадасына қатысып жатқан Канада әйелдер ұлттық футбол құрамасынан 6 ұпай шегерілді. Сонымен қатар, Канада ұйымдастыру комитетінің бірнеше мүшесі, оның ішінде бас бапкер де ойындардағы жұмысынан шеттетілді. Оларға адал ойын ережесін бұзды деген айып тағылған.

22 шілде күні команда қызметкері Канаданың қарсыласы Жаңа Зеландия әйелдер құрамасының жаттығу алаңы атырабында дрон ұшырып, оларды жасырын бақылағаны анықталды.

Француз шенеуніктері дронның Канада командасының сарапшысы Джои Ломбард екенін анықтады. Нәтижесінде ол және бапкердің көмекшісі Жасмин Мандер жарыстан шеттетілді. Француз прокурорлары дрон операторын қамауға алды. Ол кінәсін мойындап, 8 айға шартты түрде бас бостандығынан айырылды.

Бас бапкер Беверли Пристман жаңа зеландиялықтарға қарсы команданы басқармауға шешім қабылдады. Кейінірек Канада ҰОК оны Олимпиаданың қалған ойындарынан шеттетті. Жаттықтырушының өзі алғашқы есептерден кейін көмекшілерінің жөнсіз әрекетінен бейхабар екенін айтқан.

Канада Жаңа Зеландияны 2:1 есебімен жеңді. Осыдан кейін ФИФА Канада құрамасынан 6 ұпай алып тастады.

Ломбарди, Пристман және Мандер ФИФА тарапынан 12 айға спорттан шеттетілді, ал Канада футбол федерациясына 225 мың доллар айыппұл салынды.