Аввалроқ полиция вилоятнинг турли туманларида уюштирилган отишмада қурбонлар 13 кишини ташкил этади деб маълум қилган эди. Кейинчалик тартиб посбонлари ўлдирилганларнинг сони кўп ҳам бўлиши мумкин, деб огоҳлантирганди. Қурбонлар орасида Канаданинг қироллик отлиқ полицияси ходимаси ҳам бор, яна бир полиция яраланган.

Полиция комиссари Бренди Лакининг айтишича, отишмада қурбон бўлганлар сони жиноятчи билан қўшиб ҳисоблаганда 16 кишига етган. Унинг таъкидлашича, ҳозирча ушбу ҳодисага террорчилик сифатида қаралмаяпти.

Полиция тарқатган маълумотда айтилишича, 51 ёшли Габриэл Уортман шанба куни кечқурун Портапик шаҳрида ҳамда яна бошқа бир қатор аҳоли пунктларида одамлар тўдасига қарата ўт очган. Полиция жиноятчини 12 соат давомида таъқиб қилган, Уни зарарсизлантириш бўйича амалиёт якшанба куни тонгда Галифакс яқинида ниҳоясига етган. Жиноятчи полициячиларга ўхшаб кийинганига қарамай, у қонунни муҳофаза қилиш органлари ходими бўлмаган. У қандай сабабга кўра, бу ишни қилганлиги ҳам ҳозирча номаълум.

Бошда полиция жиноятчини қўлга олгани ҳақда хабар берган эди, кейинроқ жиноятчи ўлдирилгани ҳақда маълум қилинди.