Канадада отишма натижасида 10 киши, жумладан ҳужум қилган шахс ҳам ҳалок бўлди. Ҳодиса Тамблер-Риж шаҳридаги юқори синф ўқувчилари таълим оладиган мактабда юз берган. Ҳужумчининг шахси ҳозирча ошкор этилмаган, деб хабар берди DW нашри.

Отишма оқибатида камида 25 киши яраланган. Улардан икки нафарининг аҳволи оғир экани хабар қилинмоқда. Полиция баёнотига кўра, ҳалок бўлган олти кишининг жасади мактаб биноси ичидан топилган. Яна бир жабрланувчи эса касалхонага олиб кетилаётганида вафот этган.  

Маълумотларга кўра, яна икки нафар ҳалок бўлган шахснинг жасади ҳодиса билан боғлиқ жойдан топилган. Ҳужумчи деб тахмин қилинаётган шахс ўз жонига қасд қилган. Дастлаб Канада оммавий ахборот воситалари отишмани аёл киши содир этгани ҳақида ёзган. Аммо, полиция ҳужумчининг шахсини аниқлаган бўлса-да, бу ҳақда батафсил маълумот бермаган.       

<iframe width="484" height="860" src="https://www.youtube.com/embed/UeyHaPG-raY" title="Kanada maktablaridan birida otishma yuz berdi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>     

Кенжа Бекжонов, Анвархўжа Аҳмедов (видео), ЎзА