Канада үкіметі кедей елдерге қосымша 17,7 миллион доза вакцина жіберетін болды.

Елдің сыртқы істер министрлігі, «Үкімет ел сатып алған қосымша 17,7 миллион доза AstraZeneca вакцинасын COVAX-қа береді», - деген.

Сонымен бірге Канада ЮНИСЕФ-тің COVID-19 вакцинациясына қаражат жинау жөніндегі науқанына барлық қайырымдылықты екі есеге көбейтетінін мәлімдеген.

Министрлік дағдарыс басталғаннан бері Канада үкіметі COVID-19-ға жауап беру бойынша жаһандық күш-жігерді қолдау үшін 2,5 миллиард доллардан астам қаражат бөлуге уәде еткенін тағы бір еске алып өткен.