Канада - төтенше жағдайларда Pfizer/BioNTech вакцинасын қолдануға рұқсат берген әлемде екінші мемлекетке айналды. Ел өз азаматтарына коронавирусқа қарсы вакцинаны тегін жасауды жоспарлап отыр.

Қазіргі уақытта Канада коронавирусқа қарсы жаппай вакцинациялауға дайындалып жатыр. Мемлекет төтенше жағдайларда коронавирусқа қарсы Pfizer/BioNTech вакцинасын қолдануға рұқсат еткен Ұлыбританиядан кейінгі екінші ел.

Денсаулық сақтау мәселелеріне арналған жиында Канада премьер-министрі Джастин Трюдо барлық канадалықтарға вакцинаның шығынын үкімет көтеретінін және адамдар вакцинаны ақысыз алатынын мәлімдеді.

Вакцинацияға бірінші кезекте қауіп тобындағы азаматтар жатқызылған.

«Алғашқы 30 мың доза Канадаға бірнеше күнде жеткізіледі деп күтілуде. Мен барлық канадалықтарға «Сіз жалғыз емессіз» дегім келеді. Вакцина - бәріміз үшін жақсы жаңалық. Есіңізде болсын, бұл қоғамдық шара және бізді ұзақ қыс күтіп тұр. Мен барлық округ басшыларына вакцина мен оны жеткізуге кететін шығындарды федералды үкімет көтеретіндігін хабарладым. Канадалықтар үшін вакцина тегін болады, ал провинциялар мен елді мекендер вакцинаға ақша жұмсамайды », - деген ол.

Бұған дейін Канада 40 миллионнан аз халықы үшін 154 миллион адамға дейінгі мөлшерде COVID-19 вакцинасын сатып алғаны хабарланған болатын, жаппай вакцинация келесі аптада басталады деп күтілуде.