"Ховар" ахборот агентлиги хабарига кўра, рассом Камолиддин Беҳзод таваллудининг 570 йиллигига бағишлаб 26 ноябрь куни Тожикистон Давлат тасвирий санъат ва дизайн институти ташаббуси билан халқаро конференция бўлиб ўтади. “Миниатюра санъати ва Камолиддин Беҳзод нақшларининг маданиятлараро таъсири” деб номланган анжуманда Миниатюрада бадиий услуб ва тимсоллар, Беҳзоднинг Эрон ва Ҳиндистон бадиий мактабларига таъсири, XXI асрда Беҳзод ижодининг тарихий аҳамияти ва миниатюранинг ўрни каби мавзулар муҳокама қилинади.

Тадбирда олимлар, тадқиқотчилар ва ўқитувчилар маъруза қиладилар.

М.Пирматова, ЎзА