Японияда кўплаб халқ ўйинлари, якка кураш баҳслари спорт турлари даражасига кўтарилган. Улар орасида дзюдо, каратэ, айкидо, сумо каби йўналишлар нафақат кунчиқар юртда, балки халқаро майдонда янада кенг оммалашган. Бу, ушбу спорт турлари бўйича халқаро майдонда ўтказиб келинаётган мусобақалар, спорт тадбирлари тимсолида ўз аксини топган.
Япон миллий спорт турлари орасида сумо алоҳида ўрин ва мавқега эга ҳисобланади.
16 асрда пайдо бўлиб, ҳозирда замонавий кўринишга келган сумо бўйича дунёнинг турли давлатларида алоҳида спорт федерациялари фаолияти йўлга қўйилган бўлиб, чемпионатлар, турнирлар ташкил этиб келинмоқда.
Хусусан, мамлакатимизда оммавий спорт турларини ривожлантиришга, соғлом турмуш тарзини кенг ёйишга давлат томонидан алоҳида эътибор қаратилиши натижасида 2024 йили Ўзбекистон сумо федерацияси ўз иш фаолиятини бошлади.
Қисқа фурсатда ўзбекистонлик сумочилар дунёнинг бир қатор мамлакатларида ўтказилган халқаро мусобақаларда совринли ўринларни эгаллашга муваффақ бўлди.
Биргина ўтган йили сумо бўйича Ўзбекистон терма жамоаси аъзолари Европа ва Осиё қитъасининг бир нечта давлатида ташкил этилган турнир ва чемпионатларда умумий ҳисобда 24 та медаллар шодасини қўлга киритди.
Ўзбекистон сумо федерацияси раиси Камол Усмонов билан суҳбатда бугунги кунда юртимизда неча нафар ёшлар сумо билан шуғулланаётгани, терма жамоамиз аъзоларини жорий йил давомида қандай халқаро турнирлар кутиб тургани, инсон саломатлигига сумо спорт тури қандай таъсир кўрсатиши, ушбу спорт турининг Олимпия ўйинлари таркибига кириш имкониятлари каби бир қатор масалалар қамраб олинди.
Суҳбат билан қуйидаги ҳавола орқали танишишингиз мумкин.
<iframe width="650" height="420" src="https://www.youtube.com/embed/nWh8X976iYk" title="Kamol Usmonov: “Sumo – irodani, qat’iyatni toblaydigan sport turi”" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>Тўлқин Рўзиев,
Ёқубжон Мелибоев (видео),
Анвархўжа Аҳмедов (монтаж), ЎзА