Мамлакатимизнинг биринчи рақамли теннисчиси Камилла Раҳимова WTA томонидан Америка Қўшма Штатларида старт олган “ATX Open – 2026” халқаро турнирида муваффақиятли иштирок этмоқда.

Аниқроқ айтадиган бўлсак, Техас штатининг Остин шаҳрида соврин жамғармаси 283 минг 347 АҚШ долларини ташкил этувчи мазкур турнирда Камилла Раҳимова дастлабки даврада венгриялик Анна Бондар устидан 6:3, 7:5 ҳисобида зафар қучди.

Шу тариқа, нуфузли мусобақанинг иккинчи даврасига йўл олган К.Раҳимова чорак финал йўлланмаси учун ўтадиган учрашувда нейтрал теннисчи Оксана Селехметьевага қарши кортга чиқадиган бўлди.

Жавоҳир Тошхўжаев,

ЎзА