Австралиянинг Аделаида шаҳрида “WTA 500” туркумига кирувчи халқаро турнирнинг саралаш босқичида Ўзбекистон терма жамоаси аъзоси Камилла Раҳимова муваффақиятли иштирок этмоқда.

“Adelaide International” турнирининг яккалик баҳслари асосий тўрига чиқиш учун ўтаётган саралашнинг ярим финал учрашувида К.Раҳимова Хитой вакили Чжан Шай устидан 7:5, 5:7, 6:4 ҳисобида ғалаба қозонди.

Энди Камилла Раҳимова финал босқичида руминиялик тажрибали теннисчи Сорана Кирстя билан рақобатлашади. Учрашув мамлакатимиз вақти билан 11 январь куни тонгда бўлиб ўтади.

Жавоҳир Тошхўжаев, ЎзА