Камерун мухолифати етакчиси Исса Чирома Бакари яқинда мамлакатда бўлиб ўтган президентлик сайловида ғалаба қозонганини таъкидлаб, амалдаги ҳукумат натижаларини сохта деб атади. Бу ҳақда «BBC” нашри ёзиб чиқди.

Бакарининг сўзларига кўра, унинг жамоаси барча сайлов участкаларидан олинган натижаларни йиғиб, солиштирганда ўзининг ғалаба қозонганига тўлиқ ишонч ҳосил қилган.

76 ёшли Исса Чирома Бакари собиқ вазир бўлиб, 43 йилдан буён ҳокимиятда бўлган 92 ёшли президент Пол Бияга мухолиф сиёсатчи ҳисобланади.

Ҳукмрон партия вакиллари мухолифат етакчисининг ғалаба даъвосини рад этиб, уни қонуний асосга эга эмас, деб баҳолади. Таъкидланишича, расмий натижани фақат Конституциявий кенгаш эълон қилиши мумкин. 

Ўлкада сайлов натижалари кечикиб эълон қилиниши ортидан кескинлик тобора кучаймоқда. 

Д.Ҳакимов, ЎзА